Өнерлі қабілетімен, сүйкімді келбетімен көпшіліктің «Өнерлі ару» көзайымына айналып жүрген Куманбек Айзере Нұрланқызы  алдағы шуақты күндеріне нық сеніммен көз тастайды. Ұлылықтың бастауы, ұлағаттың ізі педагог бейнесінде қалыптасатынын түйсінген балауса жас – келешек күнінде ұстаз атануды ұлы мұратына балайды. «Ұстаз болу – жүректің батырлығы, Ұстаз болу – жүректің ақындығы» дегендей, жасампаз Қазақ Елінің білімді де тәрбиелі жас ұрпағын қалыптастыруда өзінің тамшыдай болса да үлесін қосуды перзенттік парызы санайтын Нұрланқызы Айзере 2011 жылы 29 шілдеде тарихы терең Тараз қаласында дүниеге келеді. №27 «Балдәурен» балабақшасында танымдық қабілетін жетілдірген Айзере – бүгінгі күні Қ.Тұрысов атындағы №53 мектеп-гимназиясының 3 «А» сыныбының озат оқушысы. Қазақы тәрбиенің бастауы болған, даналықтың жаршысындай қазыналы қарттары, әжесі Жолдыбекова Шолпан, нағашы атасы Бекмұратов Нұрғали мен нағашы әжесі Бекмұратова Күлжамиля – талантты Айзеренің әр жетістігіне сүйсініп, ақ батасын арнап келеді. Өр мінезді, қайсар рухты әкесі Нұрлан Куманбекұлы мен аяулы анасы Сандуғаш Нұрғалиқызы – отбасының қырмызы қызғалдақтарына өнегелі тәрбие көрсетіп отырған жарасымды жұп. Инабатты Айзере де соңына ерген сіңлілері Алина мен Мединаға ақылшы әпке, қамқор бауыр болып жүр. Атақты педагог В.А.Сухомлинскийдің «Оқып үйренбесең, өнерге де, даналыққа да қолың жетпейді» деген мазмұнды ойы оны білім мен ғылымға, өнерге деген қызығушылығын арттыра түскендей. «Білсем, үйренсем, құпия әлемнің сырын ашсам» деген мақсатта гимназия қабырғасында сапалы білім алып жатырған дарынды шәкірт тек сабақты жақсы оқып қана қоймай, 4 жасынан бастап Тараз қаласындағы «Прима» би мектебіне, мектеп ішіндегі «Вокал» үйірмесіне қатысты. Ағылшын тілін жетілдіру үшін «AG» оқу орталығына барады. Мектеп ішінде барлық мәдени іс-шараларға ат салысып, ән айтуды жақсы көреді. Мақтан тұтуға лайық дарынды жастың жеткен жетістіктері де сан алуан.
     Жетістігі: Мектепалды даярлық сыныбынан бастап, үш жыл қатарынан «Үздік оқығаны үшін» Мақтау қағаздарының иегері; Халықаралық «ПОНИ» сайысының төрт жыл қатарынан қатысушы сертификаттары (2016-2020жж); «Нұрлы Жастар» атты Республикалық байқауына «Бейнелеу өнері» номинациясы бойынша қатысып, рухты дәріптеуде ерекше дарындылығын көрсетіп, шығармашылық жетістікке жеткені үшін І дәрежелі Диплом мен медалі марапаты; Халықаралық «ПОНИ», «Ұлы тілтану елінде» байқауының  Диплом жүлдегері;  Білімгерлер мен оқушылар шығармашылығын дамыту және ынталандыру мақсатында өткен Республикалық «Күз көрінісі» атты байқауында І орын мадақтамасы; Бастауыш сынып математика пәнінен өткен Республикалық Ұлттық Интернет Олимпиадасының І дәрежелі Диплом жеңімпазы; 2018-2019 жылдары Республикалық қашықтықтан өткізілетін олимпиадалар орталығы математика пәні олимпиадасының І дәрежелі Диплом; Республикалық «Jarqyn joly» ғылыми-ақпараттық, танымдық-тәрбиелік порталының ұйымдастыруымен «Бізді күтер бір бақыт» атты мектеп оқушылары арасында өткізілген байқауда І дәрежелі Дипломмен марапатталды. 
      Сүйікті ісі: Сурет салу, кітап оқу, ән айту, би билеу және анасына көмектесу. 
      Арманы: Білікті маман – ұстаз болу. Шетелге саяхат жасау.